Uhca oahppit
AAPA-materiála lea álgoálggus plánejuvvon ollašuhttojuvvot 1.–2.-luohkáin, muhto dan sáhttá geavahit maiddái boarrásit mánáiguin. Materiála čohkiida diaovdanbuktimis, máidnasis, mii lohkkojuvvo jitnosit ja máidnasii laktáseaddji hárjehusain.
MÁIDNASA JUOTNA
AAPA-materiálaide gullevaš máidnasis Aapa-mánná muitala iežas, bearrašis ja eará lagašolbmuidis áicamiin dálkkádatrievdama birra.
Máidnasis ovdanbuktojuvvo dálkkádatrievdan geahppa vugiin, mánná láidestuvvo dálkkádatrievdama doahpagii, dan sivaide, čuovvumušaide ja goahcan- ja vuogáiduvvandoaimmaide vuhtiiválddi máná vásáhusmáilmmi. Máidnasis vuojulduvvo duddjot doaivvalaš atmosfeara ja deattuhit dálkkádatrievdama čovdosiid. Máidnasis lea mielde árktalaš geahččanguovlu.
Máidnasis leat vuolláisárgejuvvon dehálaš doahpagat, ja kursiivvain merkejuvvon sánit, mat soitet leat ohppiide ođđasat ja apmasat.
DÁLKKÁDATBAJÁSGEASSIMA MIHTTOMEARIT
AAPA-materiálaid guovddáš mihttomearri lea láidestit álgooahpahusahkásaš máná dálkkádatrievdamii ja dasa laktáseaddji dahkkiide. Ulbmil ii leat dat, ahte oahppi diehtá dárkilit, maid dálkkádatrievdan ja dasa laktáseaddji dahkkit mearkkašit. Oahppoollisvuođa maŋŋel oahppis lea goittotge válmmašvuohta ipmirdit dálkkádatrievdamii laktáseaddji ságastallama, ovdanbuktit iežas jurdagiid fáttá birra buorebut go ovdal, ja vuođđodieđut oahppat dálkkádatrievdamis eanet.
Jahkeluohkáid 1–2 dálkkádatbajásgeassima doarjjan gárgehuvvon AAPA-materiálaid bokte oahppi oahppá
- dovdát dálkkádatrievdamii laktáseaddji doahpagiid
- dovdát ja nammadit (dálkkádatrievdamii laktáseaddji) dovdduid
- ahte dálkkádatrievdan lea čuovvumuš olbmo doaimmain
- ipmirdit, ahte dálkkádatrievdamis leat čuovvumušat
- ipmirdit, ahte dálkkádatrievdama sáhttá goahcat ovttas doaimmaid bokte ja ahte dat goazahuvvo juo
- ipmirdit, ahte dálkkádatrievdan váikkuha juo dál ja boahtteáiggis
MATERIÁLAT JA GOVAT
AAPA-materiálain vástida Anna Muotka, ovttas fidnoguimmiidisguin (j. 2019 Aino Kinni ja v. 2024 Paula Ahola / Birasbajásgeassinorganisašuvdna FEE Suomi). Materiála geahččalit beaivvádahttit sullii viđa jagi gaskkaid.
AAPA-materiálat (vuhtiiválddekeahttá govaid iežaset geavahanrivttiid, gč. vulobealde) leat oassi public domainas ja buohkat sáhttet friddja geavahit daid earret gávppálaš ulbmilii (CC BY-NC), go beare muitá namuhit dahkki.
Materiálaollisvuođa govat gullet iežaset CC-liseanssaid vuollái. Govat ja daid geavahanrievttit gávdnojit Flickr-govvabálvalusas. Materiálaollisvuođa govaiguin oažžu nappo ávkkástallat eahpegávppálaččat ja rievdadit nu go ieš háliida, go beare namuha gáldu ja dahkki.