Manin ofelaš lea ráhkaduvvon?
Jurdda Luohkkáoahpaheaddji dálkkádatofelaččas šattai dan áicama vuođul, ahte luohkkáoahpaheddjiid dieđut ja dáiddut dálkkádatrievdama hárrái leat váilevaččat. Dán áicama dorjot maid dutkamušat. Dasa lassin dutkamušas leat áican, ahte vuođđoskuvllas geargan ohppiin leat boasttoipmárdusat dálkkádatrievdamis.
Vuođđooahpahusa oahppaplána vuođuštusat (2014) geatnegahttá oahpaheddjiid gieđahallat fáttá skuvllas viidát. Goittotge lea áicojuvvon, ahte vuolleskuvlii čujuhuvvon dálkkádatbajásgeassin lea váilevaš sihke oahpahusa ja materiálaid dáfus, nappo vuolleskuvlii čujuhuvvon dálkkádatmateriálii lea duohta dárbu.
Gii sáhttá geavahit ofelačča?
Ofelačča deavsttaid ja hárjehusaid sáhttet luohkkáoahpaheaddjit, birasbajásgeassit ja earát, geat leat beroštuvvan fáttás, geavahit friddja ja nuvttá CC BY-NC -lisenssin mielde. Ofelačča deakstamateriálain oažžu nappo ávkkástallat eahpegávppálaččat ja rievdadit nu go ieš háliida, nu guhká go namuha gáldu.
Ofelačča govain lea Creative Commons -liseansa ja dakko bokte oahpaheaddjit sáhttet dakkárin geavahit daid nuvttá. Hás dárkkistat goittotge rievdadanrivttiid ja gávppálaš geavahusa rivttiid guđege gova buohta sierra. Govat oktan rivttiineaset, sierra namuhuvvon dáhpáhusaid vuhtiiválddekeahttá, gávdnojit Flickr-galleriijain dáppe.
Gii lea ollašuhttán ofelačča?
Luohkkáoahpaheaddji dálkkádatofelačča koordinere biras-, dálkkádat- ja suvdilvuođabajásgeassi Anna Muotka. Anna lea ollašuhttán ofelačča ovttasbarggus luohkkáoahpaheaddji Aino Kinniin ja dutki Paula Aholain. Ofelačča govaid lea hábmen Anna lassin Jussi Muotka. Luohkkáoahpaheaddji ofelačča jurdda lea hábmejuvvon ovttas Oahpaheaddji dálkkádatofelačča dahkkiin, Pinja Sipariin.
Jagi 2024 Luohkkáoahpaheaddji dálkkádatofelaš sirdašuvai muhtin oassái Birasbajásgeassinorganisašuvdna FEE Suomi rs (suomagillii Ympäristökasvatusjärjestö FEE Suomi ry) hálddašeapmái. Anna lea organisašuvnna doaibmajođiheaddji ja vástida ain ofelačča sisdoaluin, bajásdoallamis ja ovddideamis.
Luohkkáoahpaheaddji dálkkádatofelačča bargamii leat oassálastán iešguđet muttuin logiid mielde dálkkádat- ja bajásgeassinsuorggi doaibmit luohkkáoahpaheaddjiin gitta riikkavulošdoibmiide. Oassálastin lei vejolaš ofelačča duogášfitnuid bokte ordnejuvvon jearahallamiin, bargobájiin ja elektrovnnalaččat.
Goas ofelaš lea ráhkaduvvon?
Materiála lea čohkkejuvvon jagiid 2018–2019 ja dat almmustahttojuvvui jagi 2019 loahpageahčen Maj ja Tor Nessling vuođđudusa, Herlin vuođđudusa ja Gaska-Suoma EJB-guovddáža doarjagiin.
Jagi 2024 materiála beaivvádahttojuvvui birasministeriija ja sosiála- ja dearvvašvuođaministeriija doarjagiin. Dalle almmustahttojuvvui davvisámegielat veršuvdna, man jorgalii davvisámegillii Unna-Maari Pulska.
Oktavuođadieđut
Jouni Porsanger
Mii áinnas váldit vuostá máhcahaga! Máhcahaga lassin sáhtát váldit oktavuođa, juos dus leat gažaldagat, ovddidanjurdagat ja ovttasbargofálaldat: anna.muotka (at) feesuomi.fi.